मदिराको सुरमा तेजाब पिएका सुनसरी धरानका एक व्यक्तिको उपचारका क्रममा मृत्यु भएको छ ।
जिल्ला प्रहरी कार्यालय सुनसरीका प्रवक्ता प्रहरी नायब उपरिक्षक योगराज खतिवडाका अनुसार धरान ७ स्थित बगैचाटोलका करिब ४५ वर्षिय सरोज विकको उपचारका क्रममा दुईसातापछि आइतबार राति विराट शिक्षण अस्पतालमा मृत्युभएको हो।
गत असार २३ गते आफ्नै घरमा राखेको तेजाब रक्सी खाएर घर पुगेका बिकले खाएको प्रहरीको प्रारम्भिक अनुसन्धानबाट खुलेको हो ।
घरमा सरसफाइ गर्न राखिएको तेजाब उनले पिएका थिए । त्यससंगै परिवारका सदस्यले उनलाई उपचारका लागि वीपी कोइराला स्वास्थ्य विज्ञान प्रतिष्ठान धरानमा भर्ना गराएका थिए ।
वीपीबाट आवश्यक थप उपचारका लागि बिरामी विकलाई बुढीगंगा गाउँपालिकास्थित विराट शिक्षण अस्पतालमा भर्ना गरिएको थियो ।
बिकको उपचारका क्रममा दुईसातापछि आइतबार राति मृत्यु भएको हो
