अजमल अन्सारी
सुनसरी । सुनसरीको ईटहरीमा गत २०८२ भदौ २४ गते भएको जेन-जी प्रदर्शनका क्रममा इलाका प्रहरी कार्यालय ईटहरीको भवन, सवारी साधन तथा सार्वजनिक सम्पत्तिमा तोडफोड, आगजनी, लुटपाट र सुरक्षामा खटिएका प्रहरीमाथि दुर्व्यवहार गर्ने घटनामा संलग्न पाँच जना पक्राउ परेका छन्।
प्राप्त भिडियो, फोटो तथा अन्य प्रमाणको आधारमा पहिचान भएका उनीहरुलाई इलाका प्रहरी कार्यालय ईटहरीबाट खटिएको टोलीले नियन्त्रणमा लिई आवश्यक कानुनी प्रक्रिया अघि बढाएको जिल्ला प्रहरी कार्यालय सुनसरीले जनाएको छ।
पक्राउ पर्नेमा ईटहरी उप-महानगरपालिका–३ का २९ वर्षीय विजय लिम्बू, हाल ईटहरी–४ बस्ने ४७ वर्षीय मदन खत्री (साविक भोजपुर, याङपाङ-७), ईटहरी–५ का ४४ वर्षीय दिपेन्द्र कुमार कार्की, ईटहरी–८ का २४ वर्षीय आभाष कार्की र ईटहरी–४ का २४ वर्षीय सोनम कार्की रहेका प्रहरीले जनाएको छ।
उनीहरुलाई आपराधिक उपद्रवसम्बन्धी कसुरमा मंसिर १० गते सम्मानित जिल्ला अदालत सुनसरीबाट ४ दिनको म्याद थप अनुमति लिई जिल्ला प्रहरी कार्यालय सुनसरीमा राखी थप अनुसन्धान भइरहेको प्रहरीले जनाएको छ।
