प्रहरी महानिरीक्षक बसन्तबहादुर कुँवर सोमबार मित्रराष्ट्र ग्रीसको एथेन्समा प्रस्थान गरेका छन्।
उनले युएस ड्रग इन्फोर्समेन्ट एड्मिनिस्ट्रेसनको आयोजना गरेको ३८औं अन्तर्राष्ट्रिय ड्रग इन्फोर्समेन्ट कन्फ्रेन्समा सहभागी हुन ग्रीस जानु भएको हो, जसमा असोज ८ देखि १० गतेसम्म कार्यक्रम सञ्चालन हुनेछ।
कन्फरेन्समा प्रहरी वरिष्ठ उपरीक्षक दिनेश कुमार आचार्य पनि सहभागी हुनेछन्। उनीहरूलाई त्रिभुवन अन्तर्राष्ट्रिय विमानस्थलमा प्रहरी अतिरिक्त महानिरीक्षकहरू, प्रहरी नायव महानिरीक्षकहरू र अन्य वरिष्ठ प्रहरी अधिकृतहरूले शुभकामना सहित विदाई गरेका छन्।प्रहरी महानिरीक्षक कुँवरको अनुपस्थितिमा प्रहरी अतिरिक्त महानिरीक्षक टेकप्रसाद राईले नेपाल प्रहरी प्रधान कार्यालयको दैनिक प्रशासनिक कामकाजको जिम्मेवारी सम्हाल्नेछन्।
