अजमल अन्सारी सुनसरी । रङको पर्व ‘होली’ मनाउने क्रममा अवाञ्छित गतिविधि गरेको आरोपमा प्रहरीले सुनसरीबाट ४८ जनालाई पक्राउ गरेको छ ।
१२ जना महिलासहित ४८ जनालाई पक्राउ गरिएको जिल्ला प्रहरी कार्यालय सुनसरीका प्रहरी उपरीक्षक सुमन कुमार तिम्सिनाले बताए।
इच्छा विपरीत लोला हान्ने र रङ दल्ने लगायतका अवाञ्छित गतिविधि गरेको आरोपमा उनीहरू पक्राउ परेका हुन् ।
कसुरको प्रकृति हेरेर उनीहरूलाई मुद्दा चलाउने वा छाड्नेबारे निर्णय गरिने एसपी तिम्सिनाले जानकारी दिए । पक्राउ परेकाहरू माथि थप अनुसन्धान भइरहेको उनले बताए ।
