विराटनगर÷ विराटनगर महानगरपालिकाले विराटनगर क्षेत्रभित्र सुर्तीजन्य पदार्थको बिक्रीवितरण र सेवनमा लगाएको प्रतिबन्धलाई कार्यान्वयनमा ल्याउन अनुगमनलाई तीव्रता दिएको छ ।
विराटनगर मानगरपालिकाको अगुवाईमा जिल्ला प्रशासन कार्यालय, आन्तरिक राजस्व कार्यालय, भन्सार कार्यालय, जिल्ला प्रहरी कार्यालयलगायतको संयुक्त अनुगमन टोलीले विराटनगर बजार क्षेत्रमा सञ्चालित पसलहरुको अनुगमन गरेको छ ।
अनुगमनका क्रममा सुर्तीजन्य पदार्थ बरामद गरिएको महानगर प्रहरीका प्रमुख राजन पौडेलले जानकारी दिए । यसअघि महानगरको टोलीले बरामद गरेको करिब ६० किलो सुर्तीजन्य पदार्थ नष्ट गरेको गरिएको थियो । महानगरले गत साउन १ गतेदेखि विराटनगर क्षेत्रमा सुर्तीजन्य पदार्थको बिक्रीवितरण र सेवनमा प्रतिबन्ध लगाएको थियो ।
