अस्ट्रेलियामा जारी टप इन्ड टी– २० सिरिजमा नेपालले आज होबार्ट हरिकेन्स एकेडेमीसँग खेल्दै छ । यो खेल नेपाली समयअनुसार आज बिहान ११:१५ बजेबाट डार्बिनमा हुनेछ ।
जारी सिरिजमा नेपालले तीन खेल खेलेको छ । ती सबै खेलमा पराजित भएको नेपालले आज चौथो खेल खेल्न लागेको हो । नेपाल पहिलो खेलमा एनटी स्ट्राइक्ससँग, दोस्रो खेलमा बंगलादेश ‘ए’सँग र तेस्रो खेलमा मेलबर्न स्टार्ससँग पराजित भएको थियो ।
नेपालले आगामी विश्वकप छनोट खेलको अभ्यासका लागि सिरिजमा भाग लिइरहेको छ ।
नेपालले सिरिजमा भोलि मेलबर्न रेनेगेड्स एकेडेमी र २२ अगस्टमा पाकिस्तान शाहिन्ससँग प्रतिस्पर्धा गर्नेछ ।
११ टोली सहभागी सिरिजको अंक तालिकामा नेपाल १०औँ स्थानमा रहेको छ ।
