भारतीय जनता पार्टी (भाजपा)का विदेश विभाग प्रमुख विजय चौथाईवाले काठमाडौं आएका छन् ।
तीन दिनको नेपाल भ्रमणका लागि चौथाईवाले आज बिहान काठमाडौं आइपुगेका हुन् । नेपालमा रहँदा उनले राजनीतिक भेटवार्ता गर्ने बताइएको छ ।
उनले प्रधानमन्त्री केपी शर्मा ओली, कांग्रेस सभापति शेरबहादुर देउवा, प्रमुख प्रतिपक्षी दलका नेता पुष्पकमल दाहाल प्रचण्ड, मधेश केन्द्रित दलका नेतालगायतसँग भेटवार्ता गर्ने कार्यक्रम रहेको बताइएको छ । चौथाईवाले शुक्रबार स्वदेश फर्किने छन् ।
