अमेरिका र चीनले एकअर्कामाथि कर नलगाउने सम्झौतालाई ९० दिनको लागि लम्ब्याएको छ यो निर्णय यसअघि दुई देशबिच भएको सम्झौताको म्याद सकिन लागेको बेला गरिएको हो।
सोमबार अमेरिकी राष्ट्रपति डोनाल्ड ट्रम्पले एक कार्यकारी आदेशमा हस्ताक्षर गरेका छन्। यो आदेशले मे महिनामा भएको सम्झौतालाई कायम राखेको छ। त्यसबेला दुवै देशले एकअर्काको सामानमा लगाइएको कर अस्थायी रूपमा स्थगित गरेका थिए।
अमेरिकाले यदि सम्झौता अवधि नबढाइएमा मंगलबारदेखि उच्च शुल्क लागू गर्ने चेतावनी समेत दिएको थियो। गत महिना भएको वार्तामा चीनले दुवै पक्षले सहमति कायम राख्न प्रयास गर्ने बताएको थियो। अमेरिकी अधिकारीहरूले त्यतिबेला ट्रम्पको अन्तिम स्वीकृतिको पर्खाइमा रहेको बताएका थिए।
अप्रिलमा व्यापार तनाव चरम सीमामा पुग्यो। ट्रम्पले विश्वका धेरै देशका सामानहरूमा कर लगाउने घोषणा गरे। चीनमाथि पनि उच्च कर लगाइयो। जसको प्रतिक्रियामा चीनले अमेरिकी सामानहरूमा कर बढायो।
मे महिनामा भएको सम्झौतामा वर्षको सुरुवातको तुलनामा अमेरिका प्रवेश गर्ने चिनियाँ सामानहरूमा थप ३० प्रतिशत भन्सार शुल्क लगाइएको थियो। साथै,चीनमा अमेरिकी सामानहरूमा नयाँ १० प्रतिशत भन्सार शुल्क लगाइएको थियो।
