नेपाली कांग्रेसका केन्द्रीय सदस्य दिनेश कोइरालाको बुवा स्व. भिष्मकान्त अधिकारीको शोकसभामा कांग्रेसका प्रमुख नेताहरूको उपस्थिति रहेको छ। सो अवसरमा कांग्रेस नेता शेखर कोइरालाले श्रद्धाञ्जलि अर्पण गर्दै स्व. भिष्मकान्त अधिकारीको योगदानलाई स्मरण गरे।
शोकसभामा उपस्थित भएका अन्य प्रमुख व्यक्तिहरूमा कांग्रेस केन्द्रीय सदस्य उमा रेग्मी, टेकप्रसाद गुरुङ र गोविन्दराज पोख्रेल, लुम्बिनी प्रदेश महामन्त्री विक्रम खनाल, चितवन कांग्रेसका सभापति राजेश्वर खनाल, पूर्वसभापति जितनारायण श्रेष्ठ, शेषनाथ अधिकारी र कृष्णलाल सापकोटा, वाग्मती प्रदेश सांसद उत्तम जोशी र गिता गुरुङ, नवलपुर क्षेत्र नं १ का सभापति अमृत भट्टचन, चितवन क्षेत्र नं.२ का सभापति भरत लामिछाने, चितवन क्षेत्र नं.३ का सभापति लालबहादुर दवाडी, भरतपुर महानगरका कार्यवाहक सभापति बुद्धिकान्त न्यौपाने लगायतका नेताहरूको उपस्थिती रहेको थियो।
शोकसभामा सहभागी सबै नेता, कार्यकर्ता र समर्थकहरूले स्व. भिष्मकान्त अधिकारीको योगदान र व्यक्तित्वलाई सम्मान गर्दै शोक व्यक्त गरे।
स्व. अधिकारीको आत्माको शान्तिको लागि प्रार्थना गर्दै, कांग्रेस नेताहरूले एकजुट भएर पार्टी र समाजको लागि संघर्ष जारी राख्ने प्रतिबद्धता व्यक्त गरे।
