देशभर मनसुनी वायुको प्रभाव कायमै रहेको छ। सातै प्रदेशमा पश्चिमी वायुको प्रभाव देखिएको छ। जल तथा मौसम विज्ञान विभागका अनुसार, देशको पूर्वी र मध्य भागमा भारतको पश्चिम बङ्गालको उत्तर भागमा बनेको न्यूनचापीय प्रणालीको आंशिक प्रभाव पनि रहेको छ।
आज जारी मौसम बुलेटिनमा भनिएको छ कि कोशी, मधेस, बागमती, गण्डकी र लुम्बिनी प्रदेशका पहाडी भागमा आंशिक बदली हुनेछ। ती प्रदेशका केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ।
आज राति कोशी प्रदेशलगायत देशका पहाडी भागमा आंशिकदेखि साधारणतया बदली रहनेछ भने बाँकी भागमा मौसम मुख्यतया सफा रहनेछ।
कोशी र बागमती प्रदेशका केही स्थानहरूमा, साथै बाँकी प्रदेशका पहाडी भागका एकदुई स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ।
मध्यम वर्षाको सम्भावनाका कारण कृषि, स्वास्थ्य, पर्यटन, पर्वतारोहण, सडक तथा हवाई यातायातमा आंशिक असर पर्ने सम्भावना रहेकोले आवश्यक सतर्कता अपनाउन विभागले अनुरोध गरेको छ।
